مدام ءَ کپتگ کوھانی نیام ءَ ھما بلوچے
وتن پہ جُھد ءَ اِنت سُھب ءُ شام ءَ ھما بلوچے
بہ بیت دودا بہ بیت بالاچ بہ بیت ایں ھمل
بہ جنت ایں بدواہ ءَ گام پہ گام ءَ ھما بلوچے
مہ داریت چماں پہ چرپیں چانیگ ءَ واجکار ءِ
بہ سندیت ایردستی ءِ لگام ءَ ھما بلوچے
بہ کنت بڈ ءَ براس ءِ لاش ءَ مہ کنزی پُشت ءَ
بہ داریت جنگ ءَ مہ روت سلام ءَ ھما بلوچے
پہ گلزمین ءِ پھازگ ءَ مَلّیں سرمچارے
ببا دنت ساہ نہ وارت ملام ءَ ھما بلوچے
مرگ چوناھا کئیت روچے رسینیت مارا
شھید بہ بیت پہ زمین ءِ نام ءَ ھما بلوچے
پہ شئر ءُ گال ءَ نباں اَدا ھکّ زمین ءِ سربازؔ
ھما گوں بیلاں بروت دو گام ءَ ھما بلوچے
