بلوچستان کے علاقے مستونگ میں فائرنگ سے ایک شخص ہلاک ہوگیا جبکہ دکی سے ایک لاپتہ شخص کی لاش برآمدہوگئی ہے ۔
مستونگ کے علاقے دشت پنگو کلی پرکانی میں حاجی میاں خان پرکانی نامی شخص کو صبح سویرے فجر کے نماز کی وقت نامعلوم افراد نے فائرنگ کرکےہلاک کر دیا ۔
فائرنگ کے بعد حملہ آور فرار ہونے میں کامیاب ہوگئے ۔
جبکہ دکی سے کلی کاروٹی کے علاقے سے ایک لاپتہ شخص کی لاش برآمد ہوگئی ہے ۔
جس کی شناخت ساز الدین بابر کے نام سے ہوگئی ہے ۔
مقامی ذرائع کے مطابق ساز الدین بابرکو گذشتہ روز لاپتہ کیا گیا تھا۔
پولیس ذرائع کے مطابق ساز الدین کو تین گولیاں ماری گئی ہیں ۔
لاش سول ہسپتال منتقل کرنے کے بعد ورثاء کے حوالے کردی گئی۔
