بارکھان میں خان محمد مری کے اہلیہ اور دو بیٹوں کے قتل میں ملوث بلوچستان حکومت کے کٹھ پتلی وزیر مواصلات سردار عبدالرحمان کھیتران کو کراچی سے گرفتار کرلیا گیا ہے ۔
سنگر کو ملنے والی اطلاعات کے مطابق عبدالرحمان کیتھران کوکراچی کے یوسف گوٹھ سے کرائم برانچ نے گرفتارکرلیا ہے۔
ذرائع کے مطابق عبدالرحمن کھیتران کو گرفتاری کے بعد بلوچستان پولیس کے حوالے کردیا گیاہے۔
واضع رہے کہ 2019سے عبدلارحمان کیتھران کے نجی جیل میں خان محمد مری کے اہلیہ گرانازاپنے سات بچوں کے ساتھ قید تھے ۔جنہیں گذشتہ روز ان کے دو بڑے بیٹوں کے ساتھ قتل کرکے لاشیں کنویں میں پھینک دی گئیں۔
واقعہ کیخلاف پورا بلوچستان سراپا حتجاج ہے اور قتل کئے گئے گراناز اور ان کے دونوں بیٹوں کی لاشوں کے ساتھ لواحقین اور علاقہ مکین کوئٹہ میں ریڈ زون میں آج دوسرے روز انصاف کیلئے دھرنا دیئے بیٹھے ہیں۔
