بلوچستان کے علاقے بولان اور پنجگور میں روڈحادثہ و فائرنگ کے دو مختلف واقعات میں 2خواتین ہلاک ہوگئیں۔
بولان میںمچھ شاہراہ پر موٹر سائیکل سے گر کر خاتون مخالف سمت سے آنے والی گاڑی کے نیچے آ گئی۔
موٹر سائیکل سوار کے پیچھے بیٹھی خاتون توازن برقرار نہ رکھتے ہوئے سڑک پر گر گئی جسے تیز رفتارگاڑی نے کچل کر ہلاک کر دیا ۔
واقع کے بعد ڈرائیور موقع سے فرار ہو گیا۔
لاش سول ہسپتال مچھ منتقل کر دی گئی ۔
دوسری جانب پنجگور کے علاقے سیدان پروم کراس میں نامعلوم موٹر سائیکل سواروں کی گاڑی پر فائرنگ سے ایک خاتون ہلاک ہوگئی ۔
ہلاک ہونے والی خاتون کاتعلق دزپروم سے بتائی جاتی ہے۔
