پاکستان کے صوبہ خیبر پختونخوا کے دارلحکومت پشاور میں سربند پولیس تھانے مسلح افراد کے حملے کے نتیجے میں ڈی ایس پی بڈھ بیر اور ان کے 2 گن مین ہلاک ہوگئے۔
پولیس کے مطابق پشاور میں مسلح افراد کے سربند تھانے پر دستی بموں سے حملے اور فائرنگ کے نتیجے میں ڈی ایس پی بڈھ بیر سردار حسین اور ان کے دو گن مینز ارشاد اور جہاں زیبہلاک ہوگئے۔
پولیس کا کہنا ہے کہ حملہ آوروں کی جانب سے اسنائپرگن اور دستی بموں کا استعمال کیا گیا ہے بعد ازاں پولیس کی اضافی نفری اوربکتر بند گاڑیاں پولیس اسٹیشن سربند پہنچیں۔
پولیس کے مطابق 6 سے 8 حملہ آوروں نے تین اطراف سے تھانے پر حملہ کیا، حملے کی اطلاع پر ڈی ایس پی تھانے پہنچے تھے، گاڑی پارک کر کے پیدل آگے بڑھ رہے تھے کہ اسنائپر رائفلز سے انہیں نشانہ بنایاگیا، گولیاں ان کے سر اور جسم پر لگیں۔
پولیس کا کہنا ہے کہ حملے سے ہلاک تینوں اہلکاروں کی لاشیں اسپتال منتقل کردی گئی ہیں۔