چماں بدل کن ئے تو زھیراں بدل کن ئے
تو شانتلے ئے ھروچ کھیراں بدل کن ئے
تو کہ ھمک سباھاں وپاھان ءَ کوکویے
اے دل نشانگ انت تو تیراں بدل کن ئے
وھدے کمان میاں دْرنزئے تو کندگے
اے اھد ءِ اشک ءِ مستیں پکیراں بدل کن ئے
پہ ما متاہ ھمیش انت وتن زادگی وتی
تو پہ بھائے مرشد ءُ پیراں بدل کن ئے
وائے وتن کہ جنگ انت بلوچاں پہ شادھے
نپتاں بدل کن ئے تو کہ بیراں بدل کن ئے
پہ من دو وک ءُ چاڑ انت اشک انت زندگی
بھت ءَ پل ئے تو دست ءِ لکیراں بدل کن ئے
سستگ اناری گروھگاں کئیتانیں جیگ بند
پہ مئے گناھاں منکر نکیراں بدل کن ئے
تئی مھر زھرمار انت ماں کئیپ ءُ کدھاں
زھرے شھارئے شکل ءُ شیراں بدل کن ئے
گوں تو نہ بیت سھل بلوچ ءِ داں کیامت ءَ
میران بدل کن ئے کہ وزیراں بدل کن ئے
