بلوچستان کے علاقے خاران میں لیویز چیک پوسٹ پر نامعلوم مسلح افرادکیے حملے سے ایک اہلکار ہلاک اور ایک زخمی ہو گیا۔
لیویز ذرائع کے مطابق خاران یک مچ روڈ کلی بھٹ کے مقام پر واقع لیویز چیک پوسٹ پر نامعلوم افراد نے نماز فجر کے وقت فائرنگ کردی۔
فائرنگ کے نتیجے میں ڈیوٹی پر مامور لیویز اہلکار محمد آسا مزارزئی ہلاک جبکہ خلیل احمد زخمی ہوگئے۔
لیوزی حکام نے دعویٰ کیا ہے کہ جوابی حملے کے بعد حملہ آور فرار ہونے میں کامیاب ہوگئے۔
ہلاک ہونے والے لیویز اہلکار کی لاش اور زخمی کو سول ہسپتال خاران منتقل کردیا گیا۔
