بلوچستان کے ضلع کیچ کے مرکزی شہر تربت میں پاکستانی فورسز کے چیک پوسٹ پردھماکا ہوا ہے جبکہ ایک اور واقعہ میں مند میں فائرنگ سے ایک نوجوان ہلاک ہوگیاہے۔
ہفتے کے روز تربت میں زور دار دھماکہ سنا گیا۔
ابتدائی معلومات کے مطابق دھماکہ شہر میں سنیما چوک پر سیکورٹی فورسز کے چیک پوسٹ کے قریب ہوا ہے جس کے نتیجے میں ایک شخص کے زخمی ہونے کی اطلاعات ہیں۔
دھماکے کے بعد سیکورٹی فورسز نے شہر کے داخلی اور خارجی راستوں کی ناکہ بندی کرکے سخت چیکنگ شروع کردی ہے۔
دوسری جانب تربت میں نامعلوم افراد کی فائرنگ سے ایک نوجوان ہلاک ہو گیا۔
اطلاع کے مطابق ہفتے کی صبح مند بلو میں نامعلوم افراد نے فارنگ کرکے بالاچ ولد سلیم نامی نوجوان کوہلاک کردیا۔
اس سے قبل گزشتہ ہفتے مسلح فراد نے مقامی فٹبال گراؤنڈ میں میچ کے دوران فائرنگ کرکے دو افراد کو ہلاک کر دیا تھا۔
