بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک بیان میں زامران اور تمپ میں 5 پاکستانی فوجی اہلکار اور ان کے آلہ کاروں کو ہلاک کرنے کی ذمہ داری قبول کرلی ہے۔
بلوچ لبریشن آرمی کے سرمچاروں نے کیچ کے علاقے زامران اور تمپ میں دو مختلف حملوں میں قابض پاکستانی فوج کے 2 اہلکاروں سمیت خفیہ اداروں کے3 آلہ کاروں کو ہلاک اور متعدد کو زخمی کردیا۔
ترجمان کے مطابق بی ایل اے کے سرمچاروں نے گذشتہ روز زامران میں سُھر کور کے مقام پر گولڈ سمڈ لائن پر باڑ لگانے والے اہلکاروں کی حفاظت پر معمور دستے پراس وقت حملہ کیا، جب وہ پیدل گشت کررہے تھے، حملے کے نتیجے میں دو اہلکار موقع پر ہلاک اور ایک زخمی ہوگیا۔
دریں اثناء بی ایل اے کی اسپیشل ٹیکٹیکل آپریشنز اسکواڈ (ایس ٹی او ایس) نے تمپ میں پاکستانی فوج و خفیہ اداروں کی تشکیل دی گئی ڈیتھ اسکواڈ کے سربراہ حمید و اسکے گینگ کی کلبر شاھاپ میں موجودگی کی اطلاع پر کارروائی کرتے ہوئے قابض کے ان آلہ کاروں پر اس وقت حملہ کیا جب وہ دو گاڑیوں میں وہاں سے گذرہے تھے۔
سرمچاروں کے حملے میں تین آلہ کار حنیف ولد محمد سکنہ بالیچہ تلکان، امجد اور بالاچ ولد ٹاپی سکنہ پھل آباد ہلاک اور دیگر زخمی ہوگئے۔ مذکورہ گروہ قابض فوج کی پشت پناہی میں بھتہ خوری، ڈکیتی سمیت فوجی آپریشنوں میں دشمن فوج کی سہولت کاری میں ملوث رہی ہے۔ گذشتہ طویل عرصے سے مذکورہ گروہ کی سرگرمیوں کے بابت عوامی شکایات موصول ہورہی تھیں۔
بلوچ لبریشن آرمی واضح کرتی ہے کہ قابض فوج و اس کے شراکت داروں کی بلوچ عوام پر کیئے جانے مظالم کا حساب لیا جائے گا۔ ہم مذکورہ گینگ سمیت تمام ریاستی آلہ کاروں کو یہ پیغام دینا چاہتے ہیں کہ وہ پیسوں کی لالچ میں قوم دشمن سرگرمیوں سے باز آجائیں، بصورت دیگر اپنی عبرت ناک انجام کیلئے تیار رہیں۔
