بلوچستان کے ضلع کیچ کے علاقے زامران میں نامعلوم مسلح افراد نے پاکستانی فورسز پرحملہ کیا ہے۔
اطلاعات کے مطابق پاکستانی فورسز پرزامران میں سُھر کوْر کے مقام پر اس وقت مسلح افراد نے حملہ کیا جب وہ بلوچستان و ایرا ن کے درمیان واقع گولڈ سمڈ لائن پر خاردار تاریں لگانے میں مصروف تھے۔
حملے میں فورسز اہلکاروں کو جانی نقصانات اٹھانے کی اطلاعات ہیں تاہم حکام نے تاحال اس کی تصدیق نہیں کی ہے۔
بلوچ آزادی پسندمسلح تنظیموں کی جانب سے گولڈ سمڈ لائن پرپاکستانی فورسز کو اکثرو بیشتر نشانہ بنایا جاتا ہے تاہم ابھی تک اس حملے کی ذمہ داری کسی تنظیم نے قبل نہیں کی ہے۔
