بلوچستان میں مچھ کے نواحی علاقے مارگٹ میں پاکستانی فورسز پر بم دھماکا ہوا۔
ذرائع کے مطابق دھماکے کے باعث ایک سیکیورٹی اہلکار کی حالت شدید تشویشناک ہے۔
اطلاع ملتے ہی پولیس اور امدادی ادارے جائے وقوعہ پہنچے۔
زخمی کو ہیلی کاپٹر کے ذریعے سی ایم ایچ کوئٹہ منتقل کردیا گیا، جہاں اسے طبی امداد فراہم کی جارہی ہے۔
زخمی کی شناخت ایف سی کے اہلکار عصمت اللہ کے نام سے ہوئی۔
ابتدائی تحقیقات کے مطابق دھماکہ خیز مواد سڑک کنارے نصب تھا۔
بم ڈسپوزل اسکواڈ اور پولیس نے مزید تحقیقات شروع کردی ہیں۔
