بلوچستان کے ضلع پنجگور سے پاکستانی فورسز نے دو افراد کو حراست میں لینے کے بعد نامعلوم مقام منتقل کردیا ہے۔
لاپتہ کئے گئے افراد کو فورسز نے پنجگور کے مرکزی علاقے چتکان اور تحصیل پروم سے حراست میں لیا ہے۔
مقامی میڈیا ”دی بلوچستان پوسٹ“ نے اپنے ذرائع کے حوالے سے خبر دی ہے کہ گذشتہ شب فورسز نے پنجگور کے علاقے چتکان غریب میں ایک گھر پر چھاپہ مارکر ایک شخص کو حراست میں لے نامعلوم مقام منتقل کردیا ہے۔
لاپتہ ہونے والا نوجوان کی شناخت محمد الیاس ولد گل محمد کے نام سے ہوئی ہے۔
دوسری جانب تحصیل پروم کے رہائشی نے الزام عائد کیا ہے کہ میرے بھائی عبدالرحمن بلوچ سکنہ پروم گیشتی کو فورسز نے تین نومبر کو حراست میں لے کر نامعلوم مقام منتقل کردیا ہے جو تاحال لاپتہ ہیں۔
دریں اثنابلوچستان کے صنعتی شہر حب میں ٹریفک حادثے سے خواتین و بچوں سمیت 3افرادہلاک جبکہ ایک زخمی ہوگیا۔
ذرائع کے مطابق حب میں بائی پاس پر تیز رفتار واٹر ٹینکر نے چار راہگیروں کو کچل ڈالا۔جن میں دو خواتین اور بچے سمیت تین افراد ہلاک جبکہ ایک شخص شدید زخمی ہوگیا۔
پولیس نے ٹینکر ڈرائیور کو گرفتار کرلیا۔
