بلوچستان کے ضلع دکی میں کوئلہ کانوں میں 2مختلف حادثات کے نتیجے میں افغانستان سے تعلق رکھنے والے2کان کن ہلاک ہوگئے۔
اطلاعات کے مطابق گزشتہ روز دکی کے ایک مقامی کوئلہ کان میں بجلی کا کرنٹ لگنے سے سخی داد ولد خدائے داد ناصر سکنہ افغانستان ہلاک ہوگیا جبکہ ایک کوئلہ کان میں مٹی کا تودہ گرنے سے کان کن عبدالواجد سلیمان خیل ساکن افغانستان ہلاک ہوگیا۔
ہلاک ہونے والے دونوں کانکنوں کی نعشوں کو ضابطے کی کارروائی کے بعد افغانستان روانہ کردیا گیا ہے۔
اس سلسلے میں مزید کارروائی متعلقہ انتظامیہ کررہی ہے۔
