بلوچستان کے علاقے مستونگ میں نا معلوم افراد نے فائرنگ کر کے بی اے پی مستونگ کے سینئر رہنماء ماما نور احمد بنگلزئی کوہلاک کر دیا۔
تفصیلات کے مطابق مستونگ بازار میں ڈسٹرکٹ ہیڈ کواٹر ہسپتال کے سامنے نا معلوم مسلح افراد نے فائرنگ کر کے بلوچستان عوامی پارٹی مستونگ کے سینئر رہنما ماما نور احمد بنگلزئی کوہلاک کر دیااور موقع سے فرار ہو گئے۔
دوسری جانب پاکستانی فورسز نے کراچی کے علاقے اورنگی ٹاؤن فقیر کالونی سے ایک شخص کو حراست میں لینے کے بعد نامعلوم مقام منتقل کردیا ہے۔
لاپتہ ہونے والے شخص کی شناخت مُلا منیر ولد حمزہ کے نام سے ہوئی ہے۔
ذرائع کے مطابق مذکورہ شخص کو گذشتہ شب سندھ رینجرز اور سادہ کپڑوں میں ملبوس اہلکاروں نے حراست میں لے نامعلوم مقام منتقل کردیا ہے۔
