زاہد بلوچ کی طویل جبری گمشدگی کی وجہ غیر موثرعالمی نظام انصاف ہے،رحیم بلوچ

بی ایس او کے سابق چیئر مین اوربی این ایم کے رہنما رحیم بلوچ ایڈووکیٹ نے سماجی رابطے کی ویب سائٹ ”ٹوئٹر“پر بی ایس اوآزاد کے سابق چیئرمین زاہد بلوچ کی پاکستانی سیکورٹی فورسز کے ہاتھوں جبری گمشدگی کو آٹھ سال مکمل ہونے پر اپنے ایک ٹویٹ میں کہا ہے کہ زاہد بلوچ کی 8 سال طویل جبری گمشدگی ظاہر کرتی ہے کہ انسانی حقوق کے تحفظ کے لیے بین الاقوامی نظام کتنا غیر موثر ہے۔ نظام انصاف میں ایسی مہلک خامیوں کا ازالہ ضروری ہے ورنہ پاکستان جیسی بدمعاش ریاستیں اس کا فائدہ اٹھاتی رہیں گی۔