بلوچستان کے ضلع سبی میں پاکستانی فورسز پر ہونے والے ایک بم دھماکے میں ایک اہلکار ہلاک جبکہ دو زخمی ہوئے ہیں۔
آمدہ اطلاعات کے مطابق سبی کی سب تحصیل بابر کچ کے علاقہ جھالڑی میں پاکستانی پیرا ملٹری فورس ایف سی اہلکار معمول کے مطابق علاقے میں پیدل پیٹرولنگ کررہے تھے کہ باردوی سرنگ کی زد میں آگئے جس سے ایک اہلکار ہلاک اور دو زخمی ہوگئے۔
اطلاع ملتے ہی سیکورٹی فورسز موقع پر پہنچ گئے، سیکورٹی فورسز نے علاقے میں آپریشن شروع کردیا۔
جبکہ ہلاک ہونے والے اہلکار اور زخمیوں کو سی ایم ایچ سبی منتقل کردیا گیا۔
