بلوچستان کے علاقے قلات میں نامعلوم افراد نے گھر میں گھس کر خاتون کو قتل کر دیا۔ تین روز قبل مذکورہ خاتون کے شوہر کو بھی نامعلوم افراد نے کمرے کو آگ لگا کر قتل کر دیا تھا۔
پولیس ذرائع کے مطابق بلوچستان کے علاقے قلات کلی میکرو عزیز آباد میں بیوہ خاتون مسماة(ب) کو رات گئے ان کے اپنے گھر میں گلا گھونٹ کر قتل کردیا گیا۔ اطلاع ملنے پر لاش کو سول ہسپتال منتقل کردیا گیا جہاں پر ضروری کارروائی کے بعد لاش ورثا کے حوالے کردی گئی۔
پولیس سمیت دیگر ذرائع کے مطابق تین روز قبل مقتولہ کے شوہر کو کمرے میں جلا کر شدید زخمی کردیا گیا تھا جن کے بارے پولیس کو اطلاع نہیں دی گئی جن کو کوئٹہ لے جایا گیا تھا وہاں پر وہ جاںبحق ہوگیا تھا۔
پولیس نے مقدمہ درج کرکے نامزد ملزمان کے گرفتاری کیلئے کارروائی شروع کردی۔
دریں اثناپنجگور میں مسلح افراد نے منحرف سرمچار کواغواءکرلیا ہے ۔
مقامی ذرائع کے مطابق پنجگور کے علاقے پروم کلگ کور کے رہائشی عمران ولد منیر کو گزشتہ رات مسلح افراد نے گرفتار کرکے اپنے ساتھ لے گئے ہیں۔
مقامی ذرائع بتاتے ہیں کہ مذکورہ شخص کا تعلق ماضی میں بلوچ آزادی پسند مسلح تنظیم سے تھا بعد ازاں وہ پاکستانی فوج کے سامنے سرنڈر ہوا تھا۔
