ہوشاپ واقعہ کیخلاف گوادر اور تربت میں یونیورسٹی آف تربت گوادر کیمپس کے طلبا اور طالبات جانب سے ریلی نکالی گئی اورمتاثرہ خاندان کو انصاف کی فراہمی کی کا مطالبہ کیاگیا۔
گوادر میں یونیورسٹی آف تربت گوادر کیمپس کے طلبا اور طالبات نے ایک پر امن احتجاجی ریلی نکالی اور ہوشاپ واقعہ کے ذمہ داروں کو کیفر کردار پہنچانے کا مطالبہ کیا۔
ریلی کے شرکا نے کہا کہ بلوچستان کو آتش وآئن کے دہانے پررکھا گیا کوئی بھی انسان محفوظ نہیں بس سیکورٹی دستوں اور ان کے ہنماؤں کا راج ہے جس کی وجہ سے عوام میں عدم تحفظ، خوف اور بے یقینی کی کیفیت ہے۔
اسی طرح یونیورسٹی آف تربت کے طلباء نے ہوشاب واقعے کے متاثرین کے ساتھ اظہار یکجہتی کے لیے پرامن واک کا اہتمام کیا۔
واک میں طلبا نے بڑی تعداد میں شرکت کی۔
واک کے بعد طلباء نے اس غیر انسانی فعل کی مذمت کرتے ہوئے تقریر کی اور حکام سے مطالبہ کیا کے ہوشاب واقعہ کے چارٹر آف ڈیمانڈ کو قبول کیا جائے۔
