سرمچاریں شائر شیہک شاہءِ ارواہءَ
زمین پہازیں کُنگرے جنگی لیلواں گوشان بیت
ہون مستگیں ریچاں پُل میزریں رُدان بیت
کوہ تلاری سنگراں شیھوءِ لچہے توپگاں بہ بیت
زاپِران کِسّہے رجّاں جنگجاہ بلوچءِ آزمان بیت
منی زمینءَ میارءُ ساحِلءُ باھڑے جہ بجنت پدا
جنگ ہون گْواریت کوچگاں گُلزمین جوان بیت
باجوے نبارت باج پِدائی شہسوار انگت زندگاں
اُستادءِ نوکیں جُنز چیر جنگی گَلءِ امتہان بیت
گُلزمیںءِ شہیداں بہ نازیناں میر احمدءِ الہان
آجوی سوتے سنجرءِ گُشندہیءِ بُرزیں شان بیت
نوکیں انکلاب لہڑ ورانیں پہ تیابءُ گَنجّیں زِرءَ
ہور بنت کُل بلوچ، چِرّک دُژمنءِ سُچان بیت
سِنداں سانکلاں شپءِآفتابءُ ریہان ایں سربُلند
بلوچ ہمک اہدءِ ہمل ایں جنگ بلے بُنگران بیت
تاراج نہ بنت نوں ہانیءُ سَمّیءِ میتگیں ہنکین
شے مُریدءُ دودا درکپاں کوہِ طور کلکشان بیت
