طالبان نے افغانستان کے دارالحکومت کابل کے شمال میں طالبان کے خلاف مزاحمت کے آخری بڑے گڑھ۔پنجشیر وادی کے محاصرے کا دعویٰ کیا ہے۔
طالبان کے ترجمان ذبیح اللہ مجاہد نے دعویٰ کیا ہے کہ صوبہ بغلان کے تین اضلاع بنوں، پل حصار اور دہ صلاح کو مکمل طور پر دشمن سے کلیئر کروا لیا گیا ہے۔
ٹوئٹر پر اپنی ایک ٹویٹ میں ان کا کہنا تھا کہ سالانگ ہائی وے کھلی ہے اور دشمن پنجشیر تک محدود ہو کر رہ گیا ہے۔
کابل کے شمال میں ہندوکش کی بلند چوٹیوں میں گھری ہوئی پنجشیر وادی ایک طویل عرصے سے مزاحمت کے مرکز کے طور پر جانی جاتی رہی ہے۔
ذبیح اللہ مجاہد کا کہنا تھا کہ طابان اس مسئلے کے پرامن حل کے لیے کوشش کر رہے ہیں۔
