وائس فار بلوچ مسنگ پرسنز کے چیئرمین نصراللہ بلوچ نے پاکستان کے حکومتی اداروں کے نام اپنے جاری کردہ بیان میں لاپتہ افراد کی بازیابی کا مطالبہ کیا ہے۔
نصرالہ بلوچ نے وائس فار بلوچ مسنگ پرسنز کے آفیشل فیس بک پر جاری کردہ اپنے بیان میں کہا ہے کہ لاپتہ افراد کے اہلخانہ بھی انسان ہیں اور پاکستانی شہری ہیں۔انکے بھی انسانی حقوق ہیں اور وہ چاہتے ہیں کہ انکے لاپتہ پیاروں کے معاملے میں حکومت اور ملکی ادارے ان سے ملکی قوانین کے تحت رویہ اختیار کرے۔
انہوں نے کہا کہ حکومت و ملکی اداروں کی یہ آئینی اور اخلاقی ذمہ داری بنتی ہے کہ وہ اذیت میں مبتلا خاندانوں کی فریاد کو سنے اور انہیں ملکی قوانین کے تحت انصاف فراہم کرے۔
