آواران کے مختلف علاقوں میں جاری آپریشن میں گزشتہ دن دنوں میں تیزی لائی گئی ہے،جبکہ وادی مشکے کے پہاڑی سلسلوں پر بھی آپریشن جاری ہے،جبکہ ضلع پنجگور میں گزشتہ روز آپریشن شروع کی گئی جس کو آج وسعت دے کر مختلف علاقوں میں پھیلا دیا ہے۔
ضلع آواران سے آمدہ اطلاعات کے مطابق جاری آپریشن میں تین دن سے تیزی لائی گئی ہے،آواران کے پہاڑی علاقہ پسہیل، ہتہیل،کمبہیل،جکی، جوہر،گودری، گنی، وغیرہ کے ندی نالوں میں پچھلے تین دن سے فوجی جارحیت جاری ہے۔ان علاقوں میں جنگلات جلانے کے علاوہ خانہ بدوشوں کے ہزاروں ُجھگیاں جلا ڈالی گئی ہیں۔جبکہ ان علاقوں میں گن شپ ہیلی کاپٹروں کی شیلنگ کے ساتھ زمینی فوج کی مدد کے لیے کمانڈوز کے ساتھ انکے لیے راشن بھی اُتارے گئے ہیں۔
ضلع پنجگور سے آمدہ اطلاعات کے مطابق پاکستانی فوج کا زمینی و فضائی آپریشن جاری ہے، کئی مقامات پر گن شپ ہیلی کاپٹروں کے شیلنگ کی اطلاعات ہیں۔فوجی آپریشن کیکلور کے مختلف علاقوں دشتک، شینزدان، جنچوپ، مادگ اور گردونواح میں کی جارہی ہے۔
آپریشنز کے حوالے مزید تفصیلات آنا با قی ہے
