معروف بلوچ قوم پرست رہنماء مرحوم نواب خیر بخش مری کی بھتیجی صالحہ مری نے آج سماجی رابطے کی ویب سائٹ ٹوئٹر پر ایک ٹویٹ کرتے ہوئے کہا ہے کہ میرا شوہر تاج محمد سرپرہ ریاستی اداروں کی تحویل میں ہے اسے بازیاب کیا جائے۔
صالحہ مری کے مطابق ان کی شوہر ایک کاروباری شخص ہیں، پچھلے سال 16 جولاہی کو وہ بیرون ملک سے کراچی پہنچے اور 19 جولاہی کو ترکی جانے کے لیے کراچی ایئرپورٹ کی طرف جا رہے تھے کہ راستے میں انہیں اور ان کے ڈرائیور کو خفیہ اداروں کے اہلکاروں نے حراست میں لینے کے بعد جبری طور پر لاپتہ کردیا اور ہمیں ان کے بارے میں بھی کوئی معلومات فراہم نہیں کی جاری ہے-
انہوں نے کہا کہ شوہر کے گمشدگی کی وجہ سے ہم کرب و اذیت میں مبتلا ہیں حالانکہ اس واقعے کی cctv فوٹیج بھی موجود ہے اور ہم نے ایف آئی آر بھی درج کرائی ہے۔
انہوں نے اپیل کی کہ ان کے شوہر کو فوری طور پر رہا کیا جائے۔
