بلوچستان لبریشن فرنٹ نے وادی مشکے میں قابض فورسز پر دو حملوں کی ذمہ داری قبول کر لی ہے۔
بی ایل ایف کے ترجمان میجر گہرام بلوچ نے نامعلوم مقام سے میڈیا کو جاری کردہ بیان میں کہا ہے کہ گزشتہ رات سرمچاروں نے مشکے میں آرمی ہیڈ کوارٹراور النگی فوجی چوکی اور پر حملے کیے ہیں۔
انہوں نے کہا کہ مشکے گجر میں پاکستانی فوج کے ہیڈ کوارٹرکے ساتھ فورسز کے لئے نئے زیر تعمیر رہائشی کوارٹرز کو82 کے دوگولوں اور بھاری ہتھیاروں سے نشانہ بنایا۔ اسی طرح وادی مشکے کے علاقے النگی میں قائم آرمی چوکی کو سرمچاروں نے راکٹوں اور بھاری ہتھیاروں سے نشانہ بنایا۔ ان حملوں میں فورسز کو جانی و مالی نقصان کا سامنا کرنا پڑا ہے۔
میجر گہرام بلوچ نے کہا کہ قابض فورسز پر حملے مقبوضہ بلوچستان کی آزادی تک جاری رہیں گے۔
