لاڑکانہ میں بس اور مخالف سمت سے آنے والی ٹریکٹر ٹرالی کے تصادم کے نتیجے میں بچوں و خواتین سمیت 8 افراد ہلاک اور 30 سے زائد زخمی ہوگئے۔
لاڑکانہ پولیس کے مطابق شہر کے مرادواہن محلے کی رہائشی کنبھر برادری کی باراتیوں سے بھری بس قمبر شہداد کوٹ کے علاقے لالو رونک جا رہی تھی کہ رشید وگن تھانہ کی حدود میں لاڑکانہ بائے پاس پر ٹریکٹر ٹرالی سے ٹکرا گئی۔
حادثے کے نتیجے میں 2 بچوں اور 3 خواتیں سمیت 8 افراد موقع پرہلاک جبکہ 30 سے زائد زخمی ہو گئے جن میں سے 18 کی حالت تشویشناک بتائی جاتی ہے جس کے باعث ہلاکتوں میں اضافے کا خدشہ ہے۔
