جُنزاں جُنزاں کن ایں کدم کدم ءَ
ما وتی واھگاں پہ سھت ءُ دم ءَ
ما اُمیت ءَ چہ نا اُمیت نہ ایں
ما ھُدا وند ءِ چہ رھم ءُ کرم ءَ
اے وَ شکراِنت انگت ءَ گون آں
من وتی پگر ءِ کاروان ءِ رمّ ءَ
جنُزگ ءَ ایں پہ وشیں بانداتے
بڈّ ءُ باریں چہ بازیں درد ءُ گم ءَ
نوں وَ دارگ نہ بیت بلوچ ءِ جُنز
بدواہ گیشتر بکن زُلم ءُ سِتم ءَ
تو وپا راستی ءَ نبیساں کن
کار بگر تو وتی دست ءِ کلم ءَ
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
