بلوچستان کے ضلع خضدار کے قومی شاہراہ پر سنی کے مقام پر دو موٹر سائیکلیں آپس میں ٹکرا گئیں جس کے نتیجے میں 3 افراد موقع پر ہلاک جبکہ دو افراد شدید زخمی ہوگئے۔
حادثہ تیز رفتاری کے باعث پیش آئی۔
ٹکر اتنی شدید تھی کہ دونوں موٹر سائیکلیں مکمل طور پر تباہ ہو گئیں اور لاشیں سڑک پر بکھر گئے۔
ہلاک ہونے والے افراد کی شناخت شفیع اللہ ولد جان محمد زہری، محمد نواز ولد مراد قوم مری اور ظہور احمد ولد چاکر خان مری کے نام سے ہوئی ہے۔
حادثے میں شدید زخمی ہونے والوں میں کلیم اللہ ولد غلام قادر قلندرانی اور لیاقت علی ولد شاہ ولی شامل ہیں۔
اطلاع ملتے ہی پولیس اور ریسکیو ٹیم موقع پر پہنچ گئیں اور لاشوں اور زخمیوں کو فوری طور پرٹیچنگ ہسپتال خضدار منتقل کردیا گیا۔
ہسپتال ذرائع کے مطابق دو زخمیوں کی حالت انتہائی تشویشناک بتائی جارہی ہے۔
پولیس نے ضروری کاروائی کے بعد لاشیں ورثاء کے حوالے کر دیں۔
مزید حادثہ کے متعلق تحقیقات کی جارہی ہے۔
