جھاؤ اور کیچ کے علاقے بلیدہ سے تین افراد لاپتہ کردیے گئے ہیں
تفصیلات کے مطابق گذشتہ روز کیچ کے علاقے بلیدہ گردانک کے رہائشی دلجان ولد خدا بخش اور عارف ولد اسماعلیل گردانک سے الندور اپنے نجی کام کے سلسلے میں جاتے ہوئے راستے سے پراسرار طور لاپتہ ہوگئے۔
مقامی ذرائع کے مطابق دونوں مذکورہ اشخاص کو ریاستی سرپرستی میں چلنے والی ڈیتھ اسکواڈ نے حراست میں لینے کے بعد نامعلوم مقام منتقل کردیا ہے۔
واضح رہے کہ بلوچستان میں پاکستانی فوج نے درجنوں مسلح گروہ تشکیل دئیے ہیں، جنہیں عرف عام میں ڈیتھ اسکواڈ کہتے ہیں، جو بلوچوں کے اغواء و شہادت سمیت متعدد سماجی برائیوں میں ملوث ہیں اور پاکستانی فوج نے انہیں بلوچ آزادی پسندوں کو کاؤنٹر کرنے کے لئے مکمل چھوٹ دی ہوئی ہے۔
ضلع آواران سے اطلاعات ہیں کہ جھاؤ میں کستانی فوج نے ایک اور شخص کو آرمی کیمپ بلا کر حراست میں لے کر لاپتہ کردیا ہے
جسکی شناخت رحیم جان ولد روزی کے نام سے ہوئی ہے
مذکورہ نوجوان کو پاکستانی فوج نے ڈولیجی آرمی کیمپ بلا کر بعد ازاں حراست میں لے کر لاپتہ کردیا ہے۔
یاد رہے اس سے قبل بھی پاکستانی فوج نے گذشتہ روز وحید ولد الہی بخش کو بھی اسی طرح کیمپ بلا کر حراست میں لے کر لاپتہ کردیا تھا۔
رحیم جان بی بی حنیفہ زوجہ مراد بخش کا بھتیجا ہے۔ جنہیں دو دن پہلے حب چوکی سے جھاؤ جاتے ہوئے پاکستانی فورسز نے راستے سے حراست میں لیا تھا۔
