(زمین پھازیں سرمتاب شھید اِرپان ءُ شھید نورخان ءِ ارواہ ءَ)
مزن بند پدا بانور بوت
ھونانی شھکور پتّار گِپت اَنت ھر نیمگ ءَ
شیھ مُریدیں وتن دیوانگاں
کِرد سمبھینت اَنت مُجتّی
پِگرئے پدا گوناپ دات
دردے رجینت تیرسُپتگیں
جنگی گُرّاباں بالوگِریں
مانداشت انَت بلوچ ءِ مچکدگ
داز ءُ گیڑّانی ھاریں کتار
کوچگ ءُ دشتانی درچک ءُ دار
ھچی نہ منت ڈن ّءُ ڈِگار
جُٹّانی سِست انت سر مھار
دالی دلی او دے دلی
راجءِ مزاریں سرمچنڈ
کوھگیر ءُ ملّیں سرمتاب
اِرپان دِرّنگیں شھسوار
نورخان تمردیں نرمزار
پہ ھاک ءُ ماتیں بُندّر ءَ
بوت انَت شھید اَردو مِھروان
ترشتیں تلاراں دَرْدی نازینک جَت
آھوگ ءُ سیدّاں زھیروک گوْپت
شھید اھمد دَرّا بوت جنگجاہ ءِ پِڑّءَ
زکریا کتار بند اَت ھمکوپگیں
گرْند ءُ ابیراں چوگان کُت
مزن بند پدا بانور بوت
مزن بند پدا بانور بوت
