مھرنگ مڑاہ داریں گوھار
راج ءِ تو ئے لّج ءُ میار
گپّار ءِ شیریں دُتگ ئے
تو گیرت ءِ شیر مِتکگ ئے
دژمناں سُھریں چم بچار
تو نرمزار ءِ چُکے ئِے
تو دلیریں جَنکے ئِے
جوریں بداں بیم پیش بدار
گنداں پیراڈی گیروں کیت
ماتی سومری گیروں کیت
جنگولیں اَتا ءِ گوھار
او پنج پِتیں او چرّکی
مارا مہ گند پہ بزّگی
راجدپتر ءَ میگ ءَ بچار
گند ایں ھسین وڈیلہ
زاناں نہ اِنت گودار یلہ
چینی نَگیگ اَنت گوج وار
پہ لج ءُ میار مُرتگ اَنت
گرانیں کہ بار اِش زُرتگ اَنت
پَرّیت تئی نوں ھوش ءُ سار
