بلوچستان کے ساحلی شہرپسنی میں ٹرانسپورٹروں نے پاکستان کوسٹ گارڈ کیخلاف کارواٹ زیرو پوائنٹ کے مقام پر مکران کوسٹل ہائی وے کو احتجاجاً بلاک کردیا۔
روڈ بلاک کے باعث گاڑیوں کی لمبی قطاریں لگ گئیں۔
کوسٹ گارڈ کی جانب سے مکران ٹو کراچی چلنے والے بسوں سے ڈیزل اتارنے کیخلاف ٹرانسپورٹروں نے احتجاجاً مکران کوسٹل ہائی وے پر گاڑیاں کھڑی کرکے کارواٹ کے مقام پر شاہراہ کو بلاک کردیا۔
احتجاج کے باعث نہ صرف کوسٹل ہائی وے بلکہ ایم ایٹ شاہراہ پر بھی ٹریفک کی آمدورفت معطل ہوگئی ہے اور سڑک کے دونوں اطراف گاڑیوں کی لمبی قطاریں لگ گئیں۔
کراچی، تربت، گوادر، پسنی، اورماڑہ سمیت دیگر علاقوں کو آنے اور جانیوالی ٹریفک معطل ہے درجنوں مسافر پھنس گئے ہیں۔
