مھر ءِ پاکیں جنگجاہ ءَ
کپتگیں پشنگ مارا
گْوانک جنَت ھمُک سھت ءَ
اُوست پہ ترا بستگ
راج ءِ یاگی ئیں بچّ ئے
پہ اِیمنی مہ نِند دُژمِن،
اِیرکپتگ بازار ءَ
لجّ ءُ ننگ لگتمال اِنت
شار شِنگ اِتگ دمکاں
رُستگ آسیں چیھانٹے
ھوناں چیدگے بستگ
ملپداں نبیسّانیں
کِسّھے پمّن، پہ تو
لوٹ ئے کہ بباں زندگ
سرگِر مادنیں راہ ءَ
بکش پُلّیں ارواہ ءَ
ماندار گُلامی ءَ
نوکیں جوزگے رُودین
ھاٹی ءَ بِہ کن مُھکم
بال ڈیھ ءِ ھر پاند ءَ
آجوئی ءِ کندیل ءَ
آجوئی ءِ کندیل ءَ
