بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک بیان میں خضدار کے علاقے کھٹان میں سیکورٹی کیلئے تعینات پاکستان فورسزکی چوکی پر بم حملے کی ذمہ داری قبول کر لی ہے۔
گہرام بلوچ نے کہا کہ گذشتہ شب ہمارے سرمچاروں نے بلوچستان کے علاقے ضلع خضدار کھٹان مرحلہ نمبر سات میں قائم سیکورٹی فورسز کی چوکی پرہینڈ گرنیڈ (دستی بم) سے حملہ کیاہے۔
انہوں نے کہا کے سیکورٹی کیلئے قائم فوجی چوکی پر بم حملے کے نتیجے میں ایک اہلکار موقع پر ہلاک اور دو زخمی ہوئے۔
سرمچار اربن گوریلہ تکنیک سے قابض فورسز پر حملہ آورہوکر بحفاظت نکلنے میں کامیاب رہے۔
انہوں نے مزید کہاکہ قابض فورسز پر حملے مقبوضہ بلوچستان کی آزادی تک جاری رہیں گی۔