زانتءُ سسا بال بندانت دل جمیں دنبال کپ انت
کیچءِ شاری آس گواری مہکمیں دیوال کپ انت
پہر بند انت کوہءُ کوچگ، شہرءُ بازار سہمبہنت
جنگ جاہاں سنج بنت، ہتلی یئں لال کپ انت
ہیبتانیں پہراں جکسینتگ جبین ورنائیءِ
ماہوءُ میروءِ نامءِ سجدگاں استال کپ انت
لسہیں آہوگ دو دنتان اَنت بلوچی کینگاں
مہنویں کاڑانی بہرءَ کئے گشیت چیہال کپ انت
شارل ءِ بچکندگانی برمش شہمیت اُلکہاں
شاعرءِ کہریں حیالاں نگرہ بندیں گال کپ انت
