باتیں آپریں مهرنگ ءَ
لج ءُ گیرت گوں ننگ ءَ
اوشتات مهکّمیں دیوال ءَ
راج ءِ زانتگ ئِے جنجال ءَ
دژمِن باج نہ بُرت اے جنگ ءَ
پرزندیں بزاں مَلانی
بیر گیر ءُ میار جلانی
رند ءَ کس مہ جنت نوں زنگ ءَ
راج ءَ تو همے پیگام دات
بے هال هچ نہ بیت اے سوگات
پرچ ئِے نشتگ ئے دل تنگ ءَ
الله ءِ مدام باهوٹ ئے
شال ءَ ئے اگاں سیاھِکوٹ ئے
آشوب تو کتگ رنگ رنگ ءَ
پگرانی کلم گال بندیں
بور ءَ تاچ سلیم تو ژندیں
سر گر تو برو پہ جنگ ءَ
