بلوچستان کے علاقے نوشکی میں گزشتہ روز ہندو تاجر راکیش کے قتل کے خلاف ہندو برادری نے لاش سمیت سٹی پولیس تھانے کے سامنے احتجاج کیا اور قاتلوں کی فوری گرفتاری کا مطالبہ کیا۔
اس موقع پر ایس ڈی پی او نوشکی جہانزیب حبیب اور ایس ایچ او سٹی نشیب پرکانی نے ہندو برادری سے ملاقات کی اور واقعے پر افسوس کا اظہار کیا۔
پولیس افسران نے ہندو برادری کو یقین دہانی کرائی کہ نوشکی پولیس راکیش کے قتل کے واقعے کی تمام پہلوؤں سے تحقیقات کر رہی ہے اور ملزمان کی گرفتاری سمیت ہندو برادری کو انصاف کی فراہمی کے لیے ہر ممکن اقدامات کیے جائیں گے۔
پولیس کی یقین دہانی کے بعد ہندو برادری نے اپنا احتجاج پرامن طور پر ختم کردیا۔
ہندو برادری نے مطالبہ کیا کہ راکیش کے قاتلوں کو جلد گرفتار کرکے قانون کے کٹہرے میں لایا جائے۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
