بلوچستان کے علاقے کوئٹہ، تربت اور گوادر سے پاکستانی فوج نے مزید 5 افراد جبری لاپتہ کردیئے جبکہ مستونگ اور تمپ سے 3 جبری لاپتہ افراد بازیاب ہوکر گھروں کو پہنچ گئے ہیں۔
بلوچ یکجہتی کمیٹی(بی وائی سی) کی جاری کردہ ڈیٹاکے مطابق کوئٹہ، تربت اور گوادر سمیت مختلف علاقوں سے شہریوں کو لاپتہ کیا گیا ہے، جبکہ مستونگ اور کیچ سے قبل ازیں لاپتہ ہونے والے کچھ افراد واپس اپنے گھروں کو پہنچ گئے ہیں۔
کوئٹہ (11 اگست 2026): سریاب روڈ، فیض آباد میں واقع ایک دکان سے شام 7:30 بجے 17 سالہ سمیر بلوچ ،ولد محمد خان( پیشہ: دکاندار) اور 17 سالہ قیصر خان ولد خان محمد( ایف ایس سی کا طالب علم) کو فرنٹیئر کور (ایف سی) کے اہلکاروں نے تحویل میں لے کر جبری لاپتہ کر دیا۔
تربت، کیچ (4 اگست 2026): بگ میری، تربت میں نصف شب (رات کے وقت) گھر پر چھاپے کے دوران 39 سالہ مستری فہد بجار ولدبجار اور ان کے 37 سالہ بھائی شاہد بجار (ولد بجار) کو ایف سی اور ایم آئی کے اہلکاروں نے تحویل میں لے کر نامعلوم مقام پر منتقل کر دیا۔
گوادر (5 اگست 2026): شاہی ہوٹل پدی زر، گوادر سے شام 4:30 بجے نصیب بلوچ ولد عبدالرشید( سکونت گوادر) کو فوج/قانون نافذ کرنے والے اداروں کے اہلکاروں نے اپنے ساتھ لے جا کر لاپتہ کر دیا۔
کوئٹہ ( قدیمی کیس، 28 دسمبر 2010): میل کالونی، سریاب روڈ کوئٹہ سے 55 سالہ دارو خان ابابکی (ولد محمد انوار) کو 2010 میں ان کے گھر سے تحویل میں لیا گیا تھا، جن کا سراغ تا حال نہیں مل سکا ہے۔
جبکہ 3 جبری لاپتہ افراد پاکستانی فوج کی اذیت خانوں سے رہا ہوکر اپنے گھروں کو پہنچ گئے ہیں۔
خلیل بلوچ ولد شیر احمد بلوچ( سکونت کلی ریکی، مستونگ): 3 جولائی 2026 کو جبری لاپتہ کیے گئے تھے، جو 12 اگست 2026 کو مستونگ کے مقام پر بازیاب ہو کر واپس پہنچ گئے۔
ثنا اللہ بلوچ ولد شیر احمد بلوچ، (سکونت کلی رہکی، مستونگ): 3 جولائی 2026 کو تحویل میں لیے گئے تھے، جن کی 12 اگست 2026 کو مستونگ میں بازیابی عمل میں آئی۔
کیا ولد محمد عیسیٰ، سکونت شیخان، تربت: 23 اپریل 2026 کو لاپتہ ہوئے تھے، جو 5 اگست 2026 کو بالیچہ، تمپ کے مقام پر آزاد کر دیے گئے۔
بلوچ یکجہتی کمیٹی نے سوشل میڈیا مہم #EndEnforcedDisappearances کے تحت مطالبہ کیا ہے کہ تمام جبری لاپتہ افراد کو فوراً عدالتوں میں پیش کیا جائے یا بلا مشروط آزاد کیا جائے۔
