بلوچستان کے ضلع کیچ کی تحصیل بلیدہ کے علاقے ریکو میں گزشتہ شب نامعلوم مسلح افراد نے ایک گھر پر دھاوا بول دیا جس کے نتیجے میں ایک نوجوان ہلاک جبکہ 2 خواتین زخمی ہو گئیں۔
پولیس کے مطابق مسلح افراد گاڑی پر سوار ہو کر عبداللہ نامی شخص کے گھر پہنچے اور مبینہ طور پر ان کے بیٹے کو اپنے ساتھ لے جانے کی کوشش کی۔ اہل خانہ کی مزاحمت پر حملہ آوروں نے فائرنگ کر دی جس کے نتیجے میں نظام ولد عبداللہ موقع پر ہلاک ہو گیا جب کہ زینب زوجہ عبداللہ اور عائشہ بنت عبداللہ زخمی ہو گئیں۔
زخمی خواتین کو فوری طور پر علاج کے لیے اسپتال منتقل کر دیا گیا، جہاں انہیں طبی امداد فراہم کی جا رہی ہے۔
پولیس نے واقعے کی تصدیق کرتے ہوئے بتایا کہ حملہ آور واردات کے بعد فرار ہو گئے جبکہ واقعے کی وجوہات اور ملزمان کی شناخت کے لیے تحقیقات جاری ہیں۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
