بلوچستان کے علاقے خاران شہراور کوئٹہ میں کائونٹر ٹیررزم ڈیپارٹمنٹ (سی ٹی ڈی) دفتر اور فرنٹیئر کور(ایف سی ) کی چوکی پر حملے رپورٹ ہوئے ہیں۔
خاران سے اطلاعات ہیں کہ شہرمیں سی ٹی ڈی آفس پر نامعلوم افراد نے حملہ کیا لیکن دھماکے اور فائرنگ سے جانی نقصان نہیں ہوا۔
ذرائع کے مطابق شام اور عشاء کے درمیانی وقت خاران شہر میں زور دار دھماکے اور فائرنگ کی آواز سنی گئی۔
ابتدائی پولیس معلومات کے مطابق دھماکے اور فائرنگ ڈپٹی کمشنر آفس کے قریب واقع سی ٹی ڈی آفس پر ہوئے،جہاں نامعلوم افراد کی جانب سے یو بی ایل جی فائر کیا گیا تھا تاہم اب تک دھماکے اور فائرنگ سے نقصان نہیں ہوا ہے،جبکہ پولیس و سیکورٹی فورسز نے علاقے کو گھیرے میں لیکر تحقیقات شروع کردی۔
دوسری جانب کوئٹہ شہر میں سریاب روڈ، ڈگری کالج پر قائم پاکستانی فورسز کی چوکی کو نامعلوم مسلح افراد نے حملے میں نشانہ بنایا جہاں متعدد دھماکوں کیساتھ شدید فائرنگ کی آواز سنی گئی۔
ان حملوں کی ذمہ داری تاحال کسی تنظیم نے قبول نہیں کی ہے۔
