بلوچستان کے ضلع گوادر کے تحصیل جیونی کے علاقے پانوان میں افطاری کے وقت نامعلوم مسلح افراد نے گھات لگا کر پاکستان کوسٹ گارڈز کی ٹیم پر حملہ کیا۔
ابتدائی اطلاعات کے مطابق اچانک کی گئی فائرنگ کے نتیجے میں 2 اہلکار موقع پر ہی ہلاک ہوگئے۔
علاقائی ذرائع کے مطابق مسلح افراد پہلے سے کمین گاہ میں موجود تھے۔
اہلکاروں کے قریب آتے ہی حملہ آوروں نے اندھا دھند فائرنگ کی اور موقع سے فرار ہونے میں کامیاب ہوگئے۔
واقعے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔ حملہ آوروں کی تلاش جاری ہے جبکہ سرکاری سطح پر مزید تفصیلات تاحال جاری نہیں کی گئی ہیں۔
ابتدائی طور پر دو اہلکاروں کے جاں بحق ہونے کی اطلاعات ہیں، جبکہ واقعے سے متعلق مزید سرکاری تفصیلات کا انتظار ہے۔
