بلوچستان کے ضلع کچھی کے صدرمقام ڈھاڈر کے نواحی علاقے مشکاف ریلوے اسٹیشن کے قریب 3 افراد کی گولیاں لگی لاشیں برآمدہوئی ہیں۔
پولیس کا کہناکہ ہے کہ مذکورہ لاشیں مشکاف ریلوے اسٹیشن کے قریب سنسان علاقے سے ملی ہیں۔
ان کا کہنا تھا کہ اطلاع ملنے پر مقامی انتظامیہ، پولیس اور سیکورٹی فورسز کی ٹیمیں موقع پر پہنچ گئیں۔
انہوں نے لاشیں تحویل میں لیکر ڈھاڈر ہسپتال منتقل کردیں۔
بتایا جاتا ہے کہ ملنے والی لاشوں پر گولیوں کے نشان ہیں، تا حال واقعہ کی وجوہات معلوم نہیں ہوسکی ۔
لاشیں ضروری کارروائی کے بعد شناخت کےلئے مردہ خانے میں رکھ دی گئیں۔
