بلوچ لبریشن آرمی ( بی ایل اے) کے ترجمان جیئند بلوچ نے میڈیا کو جاری کردہ اپنے ایک پریس ریلیز میں پنجگور اور قلات حملوں میں پاکستانی فوج کے 2 اہلکاروں کی ہلاکت کی ذمہ داری قبول کرلی۔
ترجمان نے کہا کہ بلوچ لبریشن آرمی کے سرمچاروں نے پنجگور اور قلات میں قابض پاکستانی فوج کو دو مختلف حملوں میں نشانہ بنا کر جانی و مالی نقصانات سے دوچار کیا۔
ان کا کہنا تھا کہ بی ایل اے کے سرمچاروں نے سوموار کے روز پنجگور میں کسٹم کے قریب قابض پاکستانی فوج کے قافلے میں شامل ایک گاڑی کو ریموٹ کنٹرول آئی ای ڈی حملے میں نشانہ بنایا۔ دھماکے میں قابض فوج کے دو اہلکار موقع پر ہلاک اور مزید تین شدید زخمی ہوگئے جبکہ ان کی گاڑی کو بھی نقصان پہنچا۔
انہوں نے کہا کہ ہمارے سرمچاروں نے آج رات قلات شہر میں قابض پاکستانی فوج کے مرکزی کیمپ کے میس پر گرنیڈ لانچر سے متعدد گرنیڈ داغ کر جانی و مالی نقصانات سے دوچار کیا۔
آخر میں ترجمان نے کہا کہ بلوچ لبریشن آرمی ان حملوں کی ذمہ داری قبول کرتی ہے۔
