پولیس کا کہنا ہے کہ شمالی اسرائیل میں ہونے والے ’دہشت گرد‘ حملوں میں دو افراد ہلاک ہو گئے ہیں۔
پولیس کا کہنا ہے کہ اسرائیل کے شمالی شہر بیتِ شین میں ایک حملہ آور نے پیدل چلنے والے راہگیرپر گاڑی چڑھا دی جس سے وہ ہلاک ہو گیا اس کے بعد حملہ آور نے کچھ ہی فاصلے پر خاتون کو چاقو مار کر ہلاک کیا اور فرار ہو گیا۔
پولیس کے مطابق مشتبہ حملہ آور کو ایک شہری نے فائرنگ کر کے زخمی زخمی کر دیا۔
اسرائیل کے وزیرِ دفاع کا کہنا ہے کہ مشتبہ حملہ آور کا تعلق مغربی کنارے کے شہر قباطیہ سے ہے اور اس واقعے کے بعد اسرائیلی افواج مغربی کنارے کے کچھ علاقوں پر آپریشن کی تیاری کر رہی ہیں۔
انھوں نے کہا کہ قباطیہ کے علاقے میں ’فوری اور سخت‘ آپریشن کرنے کی ہدایات دی گئی ہیں۔
اسرائیلی افواج کا کہنا ہے کہ مبینہ حملہ آور چند روز قبل ہی اسرائیلی حدود میں داخل ہوا تھا۔
اسرائیل کے وزیراعظم نیتن یاہو نے متاثرہ خاندانوں سے ہمدردی کا اظہار کیا ہے۔
اسرائیلی شہر میں یہ واقعے ایک ایسے وقت پر ہوا ہے جب ایک روز قبل ہی مغربی کنارے میں سڑک کے کنارے نماز پڑھتے ہوئے ایک شخص پر فوجی اہلکار نے بائیک چڑھا دی تھی۔ اطلاعات کے مطابق متاثرہ شخص کو کوئی نقصان نہیں پہنچا۔
حالیہ کچھ ماہ کے دوران مغربی کنارے میں اسرائیلی آبادکاروں کی جانب سے فلسطینیوں پر حملوں میں آضافہ ہوا ہے۔
7 اکتوبر 2023 کے حماس پر اسرائیل کے حملے میں تقریباً 1,200 افراد ہلاک ہوئے تھے اور حماس نے 251 افراد کو مغوی بنا لیا تھا۔
حماس کے زیر انتظام علاقے کی وزارت صحت کے مطابق، تب سے اب تک غزہ میں اسرائیلی حملوں میں 70,600 سے زیادہ افراد ہلاک ہو چکے ہیں۔
