پاکستانی فوج کے شعبہ تعلقات عامہ (آئی ایس پی آر) نے اپنے ایک جاری بیان میں 25 دسمبر کو بلوچستان کے ضلع کوہلو میں ایک مبینہ انٹیلی جنس بیسڈ آپریشن میں 5 مسلح افراد کو مارنے کا دعویٰ کیاہے۔
یاد رہے کہ آئی ایس پی آر نے 25 دسمبر کو قلات میں میں 8 مسلح افراد کو مارنے اور ان سے سلحہ و گولہ بارود کا برآمد کرنے کا دعویٰ کیا تھا
دعوے میں کہا گیا کہ آپریشن کے دوران سیکیورٹی فورسز نے مسلح افراد کے ٹھکانے کو موثر انداز میں نشانہ بنایا اور شدید فائرنگ کے تبادلے کے بعد 5 مسلح افراد کوہلاک کر دیا ۔
آئی ایس پی آر نے ہلاک مسلح افراد کے قبضے سے اسلحہ، گولہ بارود اور دھماکہ خیز مواد بھی برآمد کرنے کا دعویٰ کیا ہے۔
مزید بتایا گیا کہ یہ مسلح افراد علاقے میں متعدد عسکریت پسندی کے کارروائیوں میں سرگرم رہے تھے۔
یاد رہے کہ ماضی میں آئی ایس پی آرکے اس طرح کے دعوئوں کے نتیجے میں فوجی آپریشن میں مارنے جانے والے افراد کی اکثریت پہلے سے جبری لاپتہ افراد کی شناخت کی جاتی رہی ہے جنہیں جعلی مقابلوں میں ماورعائے آئین و قانون قتل کیا جاتا رہا ہے ۔
حقیقی میڈیا ہائوسز اکثر یہ سوال اٹھاتے ہیں کہ آئی ایس پی آر محض ایک پریس ریلیز کے ذریعے اپنی کارروائیوں کا دعویٰ کرتا رہتا ہے لیکن زمین پر ان کے نمائندے اور مقامی افراد ان دعوئوں پر لاعلمی کا اظہار کرتے رہتے ہیں ۔
حسب روایت آج بھی مارے جانے والے افراد کی شناخت ظاہر نہیں کی گئی ہے ۔
