بلوچستان کے ضلع کیچ اور روجھان جمالی میں پاکستانی فورسز اورگیس پائپ لائن پر مسلح افراد کے حملوں سمیت پل کو دھماکے سے تباہ کیا گیا ہےجبکہ گیس پائپ لائن پر حملے میں سپائی معطل ہوگئی ہے اورفورسز کی جانی نقصانات کی اطلاعات سامنے آئی ہیں۔
ضلع کیچ کے علاقے مند میں گزشتہ روز مسلح افراد نے پاکستانی فوج کو حملوں میں نشانہ بنایا جبکہ ایک پُل کو دھماکے سے اُڑیا دیا گیا۔
ذرائع کے مطابق، گزشتہ روز دوپہر کو دشت میں دریا چم اور شَند کے درمیان مسلح افراد نے فوج کے قافلے پر گھات لگا کر حملہ کیا، جس کے نتیجے میں فورسز اہلکاروں کو جانی نقصانات ہوئے ہیں۔
حملے کے بعد جائے وقوعہ کے جانب ہیلی کاپٹر پہنچے جنہیں نے اپنے لاش اور زخمیوں کو لے کر واپس روانہ ہوا۔
اسی طرح، مند کے پہاڑی علاقے شیپچار میں بھی مسلح افراد نے گزشتہ روز فوج کی ایک چیک پوسٹ کو نشانہ بنایا۔
اس حملے سے فورسز اہلکاروں کو جانی نقصان کی اطلاعات موصول ہوئی ہیں۔
ادھر، مند کے علاقے کوہ ڈگار میں نامعلوم افراد نے گزشتہ دنوں ایک پل کو دھماکے سے اُڑا دیا، جس کے باعث شاہراہ بند ہو گئی اور گاڑیوں کی آمد و رفت شدید متاثر ہوئی۔
دوسری جانب بلوچستان کے علاقے روجان کے قریب میر ہزار میں واقع، پنجاب جانے والی 36 انچ کی گیس پائپ لائن پر دھماکہ ہوا ہے۔ دھماکے کے نتیجے میں گیس کی سپلائی معطل ہو گئی ہے، جس سے متعلقہ علاقوں میں گیس کی فراہمی متاثر ہوئی ہے۔
واقعے کے بعد پاکستانی فورسز اور متعلقہ اداروں نے فوری طور پر علاقے کو گھیر کر تحقیقات شروع کر دی ہیں۔
