بلوچستان کے علاقے پنجگور میں مسلح افراد نے پاکستانی فورسز پر راکٹوں سے حملہ کیا ہے جبکہ مچھ میں گیس پائپ لائن دھماکے سے تباہ کردی گئی ہے۔
پنجگور سے اطلاعات ہیں کہ فورسز کے کیمپ کو نامعلوم مسلح افراد نے حملے میں نشانہ بنایا ہے۔
کہا جارہا ہے کہ گذشتہ شب پنجگور کے علاقے رخشان پل کے مقام پر قائم کیمپ پر حملہ آوروں نے متعدد راکٹ فائر کرنے سمیت دیگر ہتھیاروں سے حملہ کیا۔
حملے کے بعد آج صبح سویرے علاقے میں ہیلی کاپٹروں کی پروازیں بھی دیکھنے میں آئی۔
دوسری جانب مچھ میں کوئٹہ سے شکارپور جانے والی 18 انچ کی گیس پائپ لائن مچد کے قریب تباہ ہوگئی۔
گیس پائپ لائن کی تباہی سے گیس کی سپلائی معطل ہوگئی، سوئی سدرن گیس کمپنی کے مطابق پائپ لائن کی مرمت تک گیس فراہمی معطل رہے گی۔
ایس ایس جی سی کےمطابق سیکورٹی کلیئرنس ملنے پر گیس پائپ لائن کی مرمت شروع کی جائے گی، گیس کی پائپ لائن کا واقعہ سے متعلق تحقیقات کی جا رہی ہیں۔
ان واقعات پر اب تک حکام کا موقف سامنے نہیں آیا اورتاحال کسی تنظیم نے بھی حملوں کی ذمہ داری قبول نہیں کی ہے۔
