پاکستان کے دارالحکومت اسلام آباد کے سیکٹر جی الیون میں کچہری کے باہر دھماکہ ہوا ہے۔
دھماکے کے نتیجے میں کم از کم 12 افرادہلاک اور 27 ہوگئے ہیں ہیں۔
وفاقی وزیر داخلہ محسن نقوی کا کہنا ہے کہ اسلام آباد میں ڈسٹرکٹ اینڈ سیشنز کورٹ کے باہر ہونے والے خودکش حملے کے نتیجے میں کم از کم 12 افراد ہلاک جبکہ 27 زخمی ہوئے ہیں۔
اُن کے مطابق ابتدائی تفتیش میں پتا چلا ہے کہ خودکش حملہ آور کچہری میں جانا چاہتا تھا مگر موقع نہ ملنے پر اس نے پولیس کی گاڑی پر حملہ کیا۔
وزیر داخلہ کے مطابق یہ خودکش حملہ 12 بج کر 39 منٹ پر ہوا اور اب قانون نافذ کرنے والے اداروں کی پہلی ترجیح خودکش حملہ آور کو شناخت کرنا ہے۔
پولیس ابھی تک اس دھماکے کی نوعیت کا تعین نہیں کر سکی تاہم کچہری کو وکلا، ججز اور سائلین سے خالی کروا لیا گیا ہے۔
جائے وقوعہ پر پولیس اور ریسکیو کی ٹیمیں موجود ہیں جو شواہد جمع کر رہی ہیں جبکہ زحمیوں کو پمز ہسپتال منتقل کیا گیا ہے۔
وکلا کے نمائندوں کے مطابق ہلاک ہونے والوں میں چند وکلا بھی شامل ہیں جو دھماکے کے وقت کچہری کے باہر سائلین کے ساتھ موجود تھے۔
