بلوچستان کے ضلع کیچ کے مرکزی شہر تربت میں ایم ایٹ شاہراہ پر ہیرونک کے مقام پر ایک تیز رفتار کار حادثے کا شکار ہوگئی، جس کے نتیجے میں 2 خواتین ہلاک جبکہ تین افراد زخمی ہوگئے۔
عینی شاہدین کے مطابق حادثہ تیز رفتاری کے باعث پیش آیا جب ایک کرولا گاڑی سڑک سے پھسل کر گہری کھائی میں جا گری۔
ہلاک ہونے والی خواتین کی شناخت لائبہ دختر مراد حاصل اور رئسیانہ زوجہ مراد حاصل کے نام سے ہوئی ہے۔
زخمیوں میں خدا بخش ولد مراد حاصل، فیروزہ دختر مراد حاصل اور مراد حاصل ولد خدا بخش شامل ہیں۔
پولیس کے مطابق گاڑی کا ڈرائیور رفیق ولد دل مراد حادثے میں محفوظ رہا۔
واقعے کے بعد مقامی افراد اور ریسکیو ٹیموں نے موقع پر پہنچ کر زخمیوں کو قریبی اسپتال منتقل کیا۔
