بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میں خاران فورسز پر حملے میں پاکستانی فوج کے 5 اہلکاروں کی ہلاکت کی ذمہ داری قبول کرلی۔
انہوں نے کہا کہ بلوچ لبریشن آرمی کے سرمچاروں نے آج خاران میں قابض پاکستانی فوج کو ایک حملے میں نشانہ بنا کر نقصان پہنچایا۔
ترجمان نے کہا کہ بی ایل اے کے سرمچاروں نے خاران کے علاقے گرک میں ڈیم کے قریب قائم قابض پاکستانی فوج کی پوسٹ پر بیک وقت دو اطراف سے حملہ کیا۔ سرمچاروں نے خودکار اور جدید ہتھیاروں سے قابض فوج کی پوزیشنز کو نشانہ بنایا، جس کے نتیجے میں قابض فوج کے پانچ اہلکار موقع پر ہلاک اور متعدد زخمی ہوگئے۔
بیان میں کہا گیا کہ بلوچ لبریشن آرمی اس حملے کی ذمہ داری قبول کرتی ہے اور دشمن پر ان کاری ضربوں کے تسلسل کو جاری رکھنے کے عزم کا اعادہ کرتی ہے۔
