بلوچستان اسمبلی میں اپوزیشن لیڈر یونس عزیز زہری کے زیر صدارت اسمبلی کے کمیٹی روم میں آل پارٹیز سول سوسائٹی مائنز اونر ایسوسی ایشن کا مشترکہ اجلاس منعقد ہو ا ۔
اجلاس میں مائنز اینڈ منرل ایکٹ2025 سے متعلق طویل غور وخوض ہوا اور اس بل کے مندرجات کو آئین خلاف بلوچستان کی خودمختاری اور اٹھارویں ترمیم حق ملکیت کے منافی قرار اور اسے یکسر منسوخ کرنے کا مطالبہ کیا گیا۔
اجلاس میں اس عہد کا اظہار کیا گیا کہ بلوچستان کی اپوزیشن جماعتیں بلوچستان کے عوام کی مفادات کی محافظ اور امین چلے آرہے ہیں اور ہر اس اقدام کی ہر فورم پر بر ملا مخالفت کرتے ہیں جو عوام کی مفادات کے خلاف ہو۔
اجلاس میں اپوزیشن لیڈر یونس عزیز زہری کی قیادت میں پارلیمانی کمیٹی تشکیل دی گئیں جس کے ارکان میں اے این پی کے بلوچستان پارلیمانی لیڈرانجینئر زمرک خان اچکزئی ،نیشنل پارٹی کے بلوچستان کے ڈپٹی پارلیمانی لیڈر رحمت صالح بلوچ، جماعت اسلامی کے پارلیمانی لیڈر مولانا ہدایت الرحمان ،بلوچستان نیشنل پارٹی کے پارلیمانی لیڈر جہانزیب مینگل شامل ہے جو وزیر اعلیٰ کیساتھ مائنز اینڈ منرل ایکٹ2025 بارے آل پارٹیز کے مطالبات سے آگاہ کریں گے۔
پارلیمانی کمیٹی بعد ازاں سیاسی جماعتوں کی قیادت کو حکومت کیساتھ پیش رفت سے آگاہ کرے گی۔
اجلاس میں جمعیت علمائے اسلام کے بلوچستان کے امیر مولانا عبد الواسع ، جنرل سیکرٹری مولانا محمودشاہ، عوامی نیشنل پارٹی کےبلوچستان کے صدر اصغر خان اچکزئی ،پارلیمانی لیڈر انجینئر زمرک خان ، جنرل سیکرٹری مابت کاکا ،بلوچستان پیس فورم کے چیئر مین نوابزادہ حاجی لشکری رئیسانی، اخترشاہ بلوچستان نیشنل پارٹی کے مرکزی ڈپٹی سیکرٹری ملک نصیر شاہوانی ،مرکزی رہنما ثنااللہ بلوچ، نیشنل پارٹی کے بلوچستان کے ڈپٹی پارلیمانی لیڈر رحمت صالح بلوچ ، جنرل سیکرٹری چنگیز حئی ایڈووکیٹ، جماعت اسلامی کے بلوچستان کے امیر مولانا ہدایت الرحمان، زاہد اختر، پشتونخوا نیشنل عوامی پارٹی کے بلوچستان کے صدر نصراللہ خان زیرےنیشنل، ڈیموکریٹک موومنٹ کے بلوچستان کے صدر احمد جان خان ،بلوچستان نیشنل پارٹی عوامی مائنز اونر ایسوسی ایشن کے میر بہروز ریکی جنرل سیکرٹری فتح شاہ بلوچستان نیشنل پارٹی عوامی اسرار سول سوسائٹی وکلا کے نمائندوں ودیگر نے شرکت کی۔
